ردود أفعال اصحابي

طبعا بعد ماعملت المدونة وكتبت أول بوست فيها كنت فاتحة المسنجر بتاعي
وبعت اللينك بتاع المدونة لكل الناس اللي عندي تقريبا

وكانت دي ردود أفعالهم

مروة صاحبتي في الكلية :: اه حلوة أوي ياياسمين :)

سارة صاحبتي من أيام زمان:: قالت ماني فاهمة شي ياياسمين
وشو ذا؟؟
وطبعا قعدت اشرح لها يعني ايه مدونة :D:D
قالت لي اهااااااا
قلت لها طيب قولي لي مبروك
كان الرد :: مالت علكي انتي ومدونتك
طيب يا سارونة طيب والله لوريك:P:P

مرمريتا صاحبتي من أيام زمان قالت لي أنا هروح أتعشى وبعدبن أفتح :S

حصة صاحبتي من أيام الثنوي برضو سألتني نفس سؤال سارة
وبعدين قالت لي حلو كتر خيرها برضو

الهنوف دي صاحبة أختي وأنا عامله لها Add عندي في المسنجر
بنت زي العسل هيا الوحيدة اللي عبرتني وحاولت تحط كومنت بس ماعرفتش :( مش عارفه ايه السبب
بس هيا حاولت وعملت حساب بس مش عارفه ايه الخلل عندها
وأنا وعدتها ان انا هحط الكومنت بتاعها
عشان هيا أول واحدة تبارك لي بجد بجد والله فرحت مرررررررررة بتعليقك ياهوف
الله يخليك ويفرحك زي مافرحتيني

واترككم مع تعليق هنوف



هااااااااي ياسمينا والله انك وحدة ذوووق وطول عمرك ذوووق وأحب أبارك لك على المدونة وإن شاء الله تفيدين الكل وعجبني أسلوبك الراقي مرررة ويكفي إنك اخت اغلى صديقة لي<<<يعني مو عشانك... ههههههه لا والله امزح واكيد انتي فرحانة بهالمدونة فالله يجعل أفراحك دوووم وموب يوووم.وإن شاء الله تعبرين عن أفكارك بهالمدونة وتطرحينها لأنو حنا محتاجين لأفكار شباب عربيين صريحة وتفيدنا بهالوقت اللي الكل فيه مشغول بنفسه وبس وانا عن تفسي تعجبني أفكارك وأحسها قريبة مني.مع خالص حبي : الهنوف ((نجدية وأفتخر))أنا فخر أبوها:يوبا<<أكبر فخر للناس إنك من الناس واكبر فخر للأرض ممشاك فيها.

أكيد حنا قريبن من بعض ياهنوف عشان يوم تهاوشتو مع أبله كامليا أنا كان رأيي من رأيك :P :P
<< وحدة ندلة تبى تفكرك بموقف بايخ
شكرا ياهنوف ياحلوة الله يسعدك يارب

وفي الختام
أحب أشكر كل الناس اللي عبروني والناس اللي ماعطوني وجه برضو
وان شاء الله يجيهم يوووووم :@:@

احم احم ..في البدء كلمة

بسم الله الرحمن الرحيم

السلام عليكم ورحمة الله وبركاته

لغاية دلوقتي مش مصدقة ان انا عملت بلوج :O

اصل انا من زمان أوي نفس أعمل مدونة كدة أقعد ارغي واتكلم فيها

بس ماكنش عندي وقت

لكن لقيت ان كل يوم المشاغل بتزيد :D

فقلت لنفسي العمر لحظة

وقررت ان انا اعمل بلوج بقى

المهم انا :: احم احم يعني محدثتكم

ياسمين

بنت مصرية عادية جدا جدا

عندي 19 سنه

وطالبه في أولى حاسبات ومعلومات عين شمس :D:D:D

وايه كمان ايه كمان

لا كفايه عليكو كدة

لغاية اما اعمل حاجة حلوة في حياتي

والمدونة دي يعني مش هتكلم فيها على حاجة واحدة يعني

هتكون كدة يوميات أو اسبوعيات يعني

مش حاجة محددة

وكلو حسب الظرف

وحسب التساهيل

يلا سلام بقى وأتمنى ان المدونه دي تعجبكم وتفيدكم